Հեղինակի մասին

Աշոտ Գրիգորիի Սարգսյանը ծնվել է 1958թ. հուլիսի 2-ին Ստեփանակերտ քաղաքում, շինարարի ընտանիքում: Միջնակարգ կրթություն ստացել է Ստեփանակերտի թիվ 1 միջնակարգ դպրոցում: Դպրոցն ավարտելուց հետո մեկ տարի աշխատել է Ստեփանակերտի թիվ 91 շինվարչությունում` որպես ծեփագործ-ներկարար: 

1976-1980թթ  սովորել եւ ավարտել է Ստեփանակերտի մանկավարժական ինստիտուտը:  Մասնագիտությամբ`  ֆիզիկոս է: Որպես ուսուցիչ աշխատել է Խնածախի ութամյա դպրոցում:

1981- 82թթ. ծառայել է Խորհրդային բանակում:  Պահեստազորի ավագ լեյտենանտ է:

1982-1992թթ. աշխատել է Ստեփանակերտի կոնդենսատորների գործարանում: 

1986թ. եղել է «Արցախական միություն» կազմակերպության հիմնադիր անդամներից մեկը:

1987- 1988թթ. եղել է ԽՄԿԿ անդամ, կոնդենսատորների գործարանի կուսկազմակերպության Բյուրոյի անդամ:

1988թ. եղել է Հայոց Ընկերվարական Արցախյան Կուսակցության հիմնադիր անդամներից մեկը:

1989թ. ապրիլի 19-ին,  վերաբացված Հայ Յեղափոխական Դաշնակցության Արցախի կազմակերպության հիմնադիր անդամներից է:

Մասնակցել է Արցախի ազգային-ազատագրական պայքարին` ստորագարահավաքների կազմակերպմանը, մարտական ջոկատների ստեղծմանը, զինման եւ զինատեսակների պատրաստման աշխատանքներին:

1991թ. նոյեմբերի 1-ից մինչեւ 1992թ. մայիսի 25-ը եղել է Ստեփանակերտի ինքնապաշտպանության 6-րդ գոտու հրամանատար:  Մասնակցել է Ջամիլու գյուղի ազատագրման ռազմագործողությանը:

1991թ. դեկտեմբերի 28-ին ընտրվել է ԼՂՀ Գերագույն Խորհրդի պատգամավոր:

1993թ. հունվարից աշխատել է ԼՂՀ ԳԽ Մարդու իրավունքների եւ ազգային փոքրամասնությունների հանձնաժողովում, որպես ավագ փորձագետ:

1995թ. ընտրվել է ԼՂՀ Ազգային Ժողովի պատգամավոր եւ 1995թ. մայիս-2000թ. հուլիս աշխատել է որպես ԼՂՀ ԱԺ Մարդու իրավունքների եւ ազգային փոքրամասնությունների հանձնաժողովի նախագահ:

2002թ. դեկտեմբերի 31-ից մինչեւ 2006թ. դեկտեմբերի 31-ը աշխատել է  Հայ Առաքելական Եկեղեցու Արցախի թեմի Հոգեւոր քարոզչական կենտրոնում, որպես գլխավոր մասնագետ:

2005-2007թթ. -համատեղության կարգով աշխատել է «Ազատ հայրենիք» կուսակցության «Ակունք» պաշտոնաթերթում, որպես խմբագրի տեղակալ:

2007թ. հոկտեմբերի 27-ից աշխատում է ԼՂՀ կառավարության աշխատակազմի ազգային փոքրամասնությունների եւ կրոնի հարցերի բաժնի վարիչ:

    Անկուսակցական է, հայացքներով` ազգայնական-պահպանողական:

     Ամուսնացած է, ունի 4 երեխա: